21 лютага ў раённым Цэнтры культуры адбылося цікавае і вельмі карыснае мерапрыемства – гарадскі турнір юных знаўцаў беларускай мовы “Родная мова – цудоўная мова”. Чатыры каманды з усіх навучальных устаноў нашага горада спаборнічалі за тытул лепшай у шасці творчых конкурсах: «Знаёмства» (візітная картка), «Інтэлектуальная азбука», «Добрыя словы», «Мовазнаўца», «Слоўны букет» і «Дамашняя работа». Падтрымаць каманды прыйшлі сябры і настаўнікі.
Падчас мерапрыемства прагучала шмат беларускіх песен, вершаў і фільм «Гісторыя беларускай мовы».
Па выніках турніру 1-е месца атрымала каманда гімназістаў «Краязнаўцы», другое – ў каманды «Беларусы» (СШ №4 г. Касцюковічы), трэцяе месца – у каманды «Моваведы» (СШ №2 г. Касцюковічы).
У склад каманды «Краязнаўцы» ўвайшлі: Уладзіслава Герман, Дар’я Святлічная, Паліна Падабед, Паліна Шурлакова, Дар’я Буянава, Яраслаў Шыцікаў (кіраўнік каманды – настаўнік беларускай мовы і літаратуры Наталля Вячаславаўна Моціна).
Віншуем пераможцаў і жадаем ім новых поспехаў!!!
